Махамбет ауданы полиция бөлімі патрульдік полиция тобының қызметкерлері ағымдағы жылдың 21 ақпанынан бастап «Автобус» жедел-профилактикалық іс-шарасын өткізуде.

Аталған іс-шараның мақсаты автобус жүргізушілері арасында жолда жүру тәртібін арттыру, автобустардың техникалық жағдайын тексеру болып табылады. Сондай-ақ, «Автобус» жедел- профилактикалық іс-шарасының барысында патрульдік полиция тобының қызметкерлері жол-көлік тәртібін арттыру және жол жүру ережелерін сақтау бойынша жүргізушілермен профилактикалық түсіндірме жұмыстарын өткізуде.

Осындай іс-шаралар жол-көлік оқиғаларының санын азайтып, алдын алуға септігін тигізеді. Тәртіп сақшылары жол қозғалысының барлық қатысушыларынан жол жүру ережелерін мүлтіксіз сақтауды сұрайды.

Өз тілшіміз