Аудандық жастар ресурстық орталығы, аудандық "Жастар Рухы" ЖҚ жетекшілігінің ұйымдастыруымен аудан жастары арасында "ЭлементариУм" атты интеллектуалдық ойын өткізілді.

Мақсат - аудан жастарын біріктіріп, білімге деген көзқарастарын кеңейту. Ойынды Атырау қалалық Жастар ресурстық орталығының маманы Ілияс Мейрамбекұлы жүргізді.

"Қ.Қалыбеков атындағы Сарытоғай орта мектебі", "О.Шонаев орта мектебі", "Өнерпаз" мәдениет үйі, "Самал" мәдениет үйі, "Белсенді жастар" және "Жастар Рухы" командаларының арасындағы ойын тартысқа толы өтті.

Екі кезеңде де қарсыластарынан оқ бойы озық болған "Белсенді жастар" командасы сайыс жеңімпазы атанды. "Қалыбеков атындағы орта мектеп" командасы екінші, "О.Шонаев орта мектебі" командасы үшінші орынға ие болды. Жеңімпаздарға диплом және бағалы сыйлық табысталды.

Ұйымдастырушылар алдағы уақытта зияткерлік ойынға қатысушылардың санын көбейтіп, кең көлемде өткізуді жоспарлап отыр.

Қ.БАҒЫТ