Біздің тұрақты оқырмандардың есінде болса, аудан айнасында бұл мәселені бірнеше рет көтергенбіз. Енді міне, мердігер де жауаптылар да уәдесінде тұрып, Атырау-Махамбет-Сарытоғай бағытындағы жаңа автобус қолданысқа беріліп отыр.

 Осыған дейінгі жолаушылар тасымалдайтын автобуста орын санының жеткіліксіз болуы тұрғындарға біраз қолайсыздық тудырған еді. Екі ауылдың жолаушысын жинап таситын автобусқа көбінесе студенттер мен балалы ата-аналар сыймай қалып жатады.

24 адамдық автобусты, 33 орындық жаңа көлікке ауыстырған «Қосыбаева» жеке кәсіпкерлігі тұрғындарға барынша қолайлы жағдай жасап отыр. Тапсырыс беруші облыстық автомобиль жолдары және жолаушылар көлігі басқармасы да жергілікті халықтың өтінішін ескеріп, кәсіпкерге уақыт берді.

Айтылғандай ағымдағы жылдың шілде айынан бастап қалаға қатынайтын қоғамдық көлік халық игілігіне берілді.

А.Сатаева