Бүгін аудандық орталық кітапханада "Референдумның маңызды рөлі" тақырыбында дөңгелек үстел өтті.
Конституциялық референдумның маңыздылығын түсіндіру мақсатында өткен жиында аудандық мәслихат депутаты, кітапхана басшысы Шынар Ізмағанбетова ұжымды 5 маусымда өткелі отырған республикалық референдумға біркісідей қатысуға шақырып, жаңартылған Конституцияға енгізілетін өзгерістеріне тоқталды.
- Ата Заңымыздың 33 бабына өзгертулер енгізілмек. Барлық өзгерістер билік пен қоғам арасындағы байланыстың жаңа, тиімді моделінің құқықтық негізін қалыптастыруға мүмкіндік береді. Жалпы референдумға қатысты қоғамның әртүрлі топтарынан, түрлі салада жұмыс істейтін азаматтардан көптеген сұрақтар қойылып жатыр. Оның өзінің себебі де бар, осы уақытқа дейін «сайлау», «дауыс беру» ұғымдары Президентті сайлау немесе мәслихат, мәжіліс депутаттарын сайлаумен байланысты болды. Саяси реформаның салмағы басым, мемлекет жүйесінде қалыптасқан элементтерді қайта жаңғыртуға бағытталған, - деді Ш.Ізмағанбетова.
