Мемлекет басшысы Қасым-Жомарт Тоқаевтың бастамасымен қолға алынған Парламенттік реформа – елдің саяси жүйесін жетілдіруге, билік тармақтары арасындағы теңгерімді күшейтуге бағытталған маңызды бастама.
Президент атап өткендей, бұл реформа – еліміздің және халқымыздың тағдырына тікелей қатысы бар шешуші мәселе. Сондықтан Жұмыс тобының құрамына қоғамның әр саласынан тәжірибелі, беделді азаматтардың енуі – өзекті мәселелерді жан-жақты талқылауға мүмкіндік береді.
Махамбет ауданының тұрғындары да бұл реформадан үлкен үміт күтеді. Себебі тиімді Парламент – халықтың мұң-мұқтажын нақты жеткізіп, әділ шешім қабылдайтын басты тетік.
Парламенттік реформаны жүзеге асыру еліміздің саяси мәдениетін жаңа деңгейге көтеріп, мемлекетті басқарудағы ашықтық пен жауапкершілікті арттыра түспек.
Ж.Жоламанова,
Аудан тұрғыны, зейнеткер
