Қазақстан Республикасының Президенті Қасым-Жомарт Тоқаев пен Әзербайжан Республикасының Президенті Ильхам Әлиевтің кездесуі бауырлас елдердің стратегиялық серіктестігін одан әрі нығайтуға бағытталды.
Келіссөз барысында мемлекеттер басшылары сауда-экономика, инвестиция, ауыл шаруашылығы және көлік-транзит салаларындағы ынтымақтастықты кеңейту мәселелерін талқылады. Сонымен қатар мәдени-гуманитарлық байланыстарды дамыту мен өңірлік тұрақтылықты қамтамасыз ету жайы сөз болды.
Бұл кездесу – Қазақстан мен Әзербайжанның өзара сенімге, достық пен бауырластыққа негізделген қарым-қатынасын жаңа деңгейге көтеретін маңызды оқиға. Мұндай серіктестік екі елдің ғана емес, өңірлердің де әлеуметтік-экономикалық дамуына серпін берері сөзсіз.
С.Жайлашев,
Махамбет аудандық ардагерлер кеңесінің төрағасы
