Мемлекет басшысы Қасым-Жомарт Тоқаев төтенше жағдай кезінде дағдарыстан зардап шеккен халықтың кредитін өтеуін тоқтата тұруды тапсырып, "Мен банктердің жағдайға түсіністік танытатынына сенім артамын", – деген болатын.
Президенттің осы тапсырмасын алғашқы болып Kaspi банкі қолға алды. Бүгіннен бастап Kaspi.kz қосымшасы арқылы барлық қарыз алушыларының несиесін үш айға шегеріп жатыр. Менің де осы банкте кредитім бар болатын. Банктің бөлімшесіне бармай-ақ, ешқандай құжат тапсырмай-ақ , телефон арқылы өтінішімді жіберіп, жеңілдікке ие болдым. Kaspi банкі бүгінде еліміздегі ең қолжетімді банк болып отыр. Халықтың жағдайына түсіністікпен қарап, еліміздегі өзге банктерге үлгі көрсетіп отырған бұл банкке айтар алғысымыз шексіз. Енді басқа банктер де халықты түрлі құжат сұрап сенделтпейді деп сенеміз.
Г.ХИСИНА, ауыл тұрғыны
