Аталарымыз «қайырымдылық жасаудың сауабы мол» деген.
Махамбет ауданында төтенше жағдай кезінде қайырымды іс жасауға асығатындардың қатары күн санап артып келеді.
Мәселен,“Жарқын болашақ” жастар қоғамдық бірлестігі мүшелері мен “Құлабыз” еріктілері қоғамдағы ахуалға бей-жай қарай алмай, қазіргі таңда әрбір адам өте мұқтаж болып жүрген бетперденің 170 данасын тігіп таратты.
Оның ішінде аз мөлшерін материал құнын шығару үшін саттыққа шығарып, қалғанын көп балалы отбасылар мен көшеде бетпердесіз жүрген адамдарға тегін берді.
Олар қоғамға қауіпті індеттің таралуы кезінде дәріханаларда бетперделердің жетіспеушілігі алаңдатқанын және сол үшін бетперде тігу ісіне белсене атсалысқанын айтты.
К.Сапарқызы
