Ең алдымен еліме, ата-анама алғысымыз шексіз.

Мен Галина Юн корей ұлтының өкілімін. Мен әкем Олег пен анам Татьянаның отбасында 1975 жылдың 24 сәуірінде өмірге келгенмін. Өзім О.Шонаев атындағы орта мектепті бітірдім. 1992-1994 жылдары сатушылар даярлайтын оқу орнында оқыған едім. 2002 жылы Махамбеттегі «Шолпан» балабақшасына тәрбиешінің көмекшісі болып, жұмысқа кірдім. Бүгінде сол бөбекжайда еңбек етіп келемін. Ұлтым өзге болса да қазақ тілін жетік меңгерген жанмын.

Мен аудан көлемінде ұйымдастырылған мәдени-көпшілік шараларға белсене араласып жүрмін. Мақтанғаным емес, менің жұмысқа деген жауапкершілігім жоғары, өте еңбекқор жанмын. Маған балабақшада балалармен жұмыс істеген қатты ұнайды. Шаңырақта Олег атты ұл тәрбиелеп, өсіріп отырмын. Бүгінде балам Олег Атырау қаласындағы ТО СС-Ті(СиСИ-Ти) компаниясында өнім сапасын бақылау жөніндегі инспектор қызметінде.

Өз басым Қазақстанда тұрғаныма мақтанамын. Жалпы ең алдымен еліме, ата-анама алғысым шексіз.

Галина Юн,

«Шолпан» бөбекжайының қызметкері