Құрметті махамбеттіктер!

Сіздерді 1 наурыз – Алғыс айту күнімен шын жүректен құттықтаймын!

Бұл – кең пейілді қазақ халқына қанмен дарыған мейірім мен бауырмалдықтың, қайырымдылық пен жанашырлықтың салтанат құрған күні. Тағдыр тәлкегімен Қазақстан жеріне еріксіз қоныс аударылған түрлі этнос өкілдерінің құтты қонысына айналған қасиетті қазақ жері мен қонақжай қазақ халқына терең тағзым белгісі. Қазақ халқы қиын-қыстау заманда олардың басына түскен ауыртпалықты қайыспай бірге көтере білді. Бұл бүгінгі таңда еліміздегі түрлі ұлт өкілдерінің арасындағы адамгершілік қарымқатынастың өнегелі өлшеміне айналды.

Тәуелсіздік жылдарында Қазақстан, татулық пен келісімнің бірегей үлгісін қалыптастыра білді. Ежелден ерлік пен елдіктің өлкесі саналатын киелі ауданымызда 19 түрлі ұлт өкілдері жергілікті қазақ халқымен тату-тәтті тіршілік кешіп жатқаны бірлік пен ынтымаққа негізделген берік құндылықтарымыздың біріктіруші күшке айналып, әр қазақстандықтың жүрегіне еліміздің болашағына деген нық сенім мен жауапкершілік сезімін ұялатқанын көрсетеді. Қазіргі буын, әсіресе жастар, тарихтан тағылым алуы керек.

Қазақстан халқын мәңгілікке біріктіруге бағытталған бірегейліктің негізгі арқауы – еліміздегі барлық ұлт пен ұлысты бір шаңырақ астына топтастыратын мереке құтты болсын!

Әр отбасыға бақ-береке, елімізге татулық пен тыныштық тілеймін!

Р. ДЖАНГЛИШОВ,

аудан әкімі