Ескі жылдан ерулік

Ел тәуелсіздігінің 27 жылдығына орай, облыс орталығындағы Құрманғазы мәдениет үйінде өткен салтанатты жиында Ақжайық ауылдық округінің әкімі Сайлау Жұмағалиев Елбасының қолы қойылған «Ерен еңбегі үшін» медаліне ие болды.

Бұл төсбелгіні жерлесіміздің өңіріне облыс әкімі Нұрлан Ноғаев қадады.

- Бұл маған ит жылының тарту еткен ерекше сыйлығы болды деп есептеймін. Бір ауылдың әкімі болып еңбек еткеннен кейін, сол ауылдың бүкіл жауапкершілігі өзіңнен сұралады. Бүгінде ауылымыз гүлденіп, дамыған ауылдардың қатарынан саналады. Табиғи газ, таза ауыз су, жазғы су барлығы да халыққа қолжетімді. Жолдарымыз асфальтталған, жаяу тұрғындар үшін тротуар да салынып қойылды. Салауатты өмір салтын ұстанамын деген тұрғындар үшін спорт кешені де жаңартылып салынуда. Мұның барлығы біріншіден, тәу етер тәуелсіздігіміздің, екіншіден, ауыл халқының ауызбіршілігінің арқасында жүзеге асуда. Келер жылға құрулы тұрған жоспарларымыз да жетерлік. Тынымсыз еңбектің арқасында Ақжайық ауылын бұдан да жоғары нәтижелерге жететін болады. Ең бастысы еліміз тыныш болғай! – дейді С.Жұмағалиев.

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

Aqprint

Байланыс номерi :     +7 775 798 46 24     +7(7122) 45-85-21