banner_damu

Бұралқы иттерді азайту мәселелері қозғалды

Алмалы ауылдық округі әкімінің ел алдындағы есеп беру жиыны ойдағыдай өтті.

Жиынға қатысушы аудан әкімі Жәрдемғали Бахуұлы мен қала әкімінің орынбасары Жұмабек Қаражанов тұрғындар тарапынан айтылған ұсыныс-тілектерді ескеріп, жиын соңында жеке қабылдау да ұйымдастырды. Баяндаманы тыңдап болған тұрғындар, әсіресе қарттарымыз кезек-кезек сөз алып, ауыл әкіміне алғыстарын айтты, сауалдарын жолдады. Оның ішінде көше жарығы мен қоқыс қалдықтарын жинау, ауылдық бейіттің аумағын қоршау және де бұралқы иттерді азайту мәселелері қозғалды.

Ауыл әкімінің жауабы бойынша: 2020 жылдың жұмыс жоспарына сәйкес жаңадан салынған балабақша жанына жаяу жүргіншілер жолы мен көше жарығын орнату ушін Махамбет аудандық қала құрылыс бөліміне жер телімін сұрауға сұраныс берілді. Ал, қоқысты ауыл тұрғындары «Арнаулы Автобаза» мекемесімен келісім -шартқа отырып күні бүгінге дейін арнайы техникамен шығаруда.

Бұралқы итпен күрес дұрыс жүргізілмейді деген пікірге аудандық ветеринариялық станцияның директоры С.Зұлқашев: 2019 жылы бір ғана Алмалы ауылы бойынша көшеде иесіз жүрген 350 ит жойылып, биылғы жылдың бір ай көлемінде тағы 60 ит бұл тізімге қосылды»-деп жауап берді. Оның айтуынша, ит атушы мамандар келетін күнін тұрғындардың өздері иттерін байлауда ұстап, кейін ауыл ішіне жіберіп қояды екен. Ал, қарапайым халық бұралқы ит пен мысық осы маңайдағы иесіз қалатын саяжайлардан келіп жатқанын, соған тыйым салу керектігін алға тартады.

Алмалының адамдарынан жиі түсетін шағымдардың бірі қалаға қатынайтын коммуналдық көліктердің жол ақысына арнайы жеңілдіктерді қарастырмауы. Жолаушы тасымалымен айналысып отырғандардың басым бөлігі жеке кәсіпкер болғандықтан, олармен бір мәмілеге келуді аудан әкімі өз міндетіне алды. Әйтсе, қала ішінде 150 теңгеге жеткен автобус жолақысының құны мұнда 120 теңгеден аспаған.

Осы сынды ірілі-ұсақты шешімін таппай жүрген мәселелер жиын барысында ашық айтылып, тараптар бір-бірін тыңдап, мамандар да сәйкесінше жауап берді.

А.Сатаева

ЕЛБАСЫ КІТАПХАНАСЫ

biblioteka-pervogo-prezidenta-kz

Фотогалерея

Сұрақ Жауап

Жайық суын молайту үшін не істеу керек?

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика