Бір мезетте 3000 адам секіртпемен секірді

Аудан орталығындағы «Тәуелсіздік» алаңында денсаулық сақтау саласын дамытудың «Денсаулық» мемлекеттік бағдарламасын және «Денсаулық Фестивалі» Ұлттық бағдарламасын іске асыру шеңберінде «Денсаулық фестивалі - 2018» акциясы өткізілді.

Спорт саласының ардагері Сағынғали Шотпақов: -Денсаулығының мықты болғанын қалайтын әр адам міндетті түрде спортпен айналысуы керек. Өйткені спорт –денсаулық кепілі. Бүгінгі шараға жастармен қатар ересектердің де қатысып отырғаны қуантады. Әрқашанда деніміз сау болсын! – деген құттықтау тілегін білдірді. Аудандық дене шынықтыру және спорт бөлімінің басшысы Ержігіт Андашев акцияның жүру барысын түсіндірді.

Биылғы акцияның ерекшелігі облыс басшысы Н.Ноғаевтың қолымен бекітілген 2018-2020 жылдарға арналған «Саламатты өмір салты жылы» өңірлік іс-шаралар жоспарына сай, аудан тұрғындарының, оның ішінде жастардың қатысуымен Қазақстан Гиннес рекордтар кітабына ену мақсатында секіртпемен секіруден рекорд орнату жоспарланған. Акцияға әкімшілік қызметкерлері, қоғам қайраткерлері, барлық басқарма қызметкерлері, зейнеткерлер, спортшылар, дәрігерлер, мұғалімдер, студенттер мен оқушылар қатысты. Акция аясында бір мезетте 3000 адам екі минут секіртпемен секірді. Денсаулық күніне орай аудандық орталық аурухананың ұйымдастыруымен тұрғындарға арналған медициналық бақылау жүргізілді. Махамбеттіктер денсаулығын тексертіп, салауатты өмір салты туралы кеңестер алды.

Б.Сүйеуова.

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

Aqprint

Байланыс номерi :     +7 775 798 46 24     +7(7122) 45-85-21