Махамбет ауданы әкімінің қолдауымен, аудандық жастар ресурстық орталығының ұйымдастыруымен қазақ күресінен "Махамбет барысы-2023" турнирі өтті.

Турнирге ауданға қарасты ауылдық округтерден 10-ға жуық палуан қатысып, өз бақтарын сынады. Турнир қорытындысы бойынша үшінші орынды Асланбек Ақылбеков пен Әділ Алданбаев қанжығасына байласа, жүлделі екінші орынды Бауыржан Бағытжан иеленді.

Тартысты турнирде үздік өнер көрсетіп, шеберлігін  жоғары дәрежеде көрсеткен Әбілсейіт Сұлтанов турнирдің жеңімпазы атанып, "Махамбет барысы-2023" атағына ие болды.

Жеңімпаздар мен қатысушылар бағалы сыйлықтармен марапатталды.