Басылымның әр нөмірін асыға күтеміз

Жалпы біз бұрыннан аудан айнасын алдыратын едік. Биылғы жылдың екінші жартыжылдығына ұжым болып, «Жайық шұғыласы» газетіне біркісідей жазылғанды жөн көрдік.

Кітапхана қашанда газет редакциясымен тығыз байланыста жұмыс жасауда. Кітапханада өтетін іс-шараларымыз да газет бетінен үнемі орын алып келеді. Сонау кеңестік дәуірде халықты сауаттандыру жұмысы да осы «қызыл отау», кітапхана арқылы жүзеге асты.

Соңғы кездері газетте өңір, ауданымыз өмірінен сыр шертетін құнды материалдар жиі жарық көріп жүр. Газет бетінде жарияланған мақалалардың бәрі көкейге қонымды. Кітапханадағы 17 адам түгелдей балама жазылумен «Жайық шұғыласына» жазылып отыр. Біз үшін аудан айнасының маңызы зор. Оның әр нөмірін қашанда асыға күтеміз.

«Сын түзелмей, мін түзелмес» дегендей, газетте кейде өткір сын материалдар да жарық көріп жатқанын көріп жүрміз. Біз қаламгерлерге жазар көбейсін деген ізгі тілегімізді жолдаймыз.

Шынар Измағанбетова,

аудандық орталық кітапхана директоры

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

Aqprint

Байланыс номерi :     +7 775 798 46 24     +7(7122) 45-85-21