Президент Қасым-Жомарт Тоқаевтың биылғы Жолдауында тұрғын үй мәселесін шешу – әлеуметтік саясаттың маңызды бағыты ретінде атап өтілді. Бұл – халықтың әл-ауқатын арттыруға, тұрмыстық жағдайын жақсартуға бағытталған нақты әрі өзекті бастама.
Халықтың баспаналы болуына жағдай жасау, қолжетімді ипотекалық бағдарламаларды жетілдіру және жаңа тұрғын үй құрылыстарын көбейту – мемлекет үшін басты басымдықтардың бірі болып қала береді. Өйткені әрбір азаматтың өз шаңырағының болуы – елдің тұрақтылығы мен қоғамның бірлігін қамтамасыз ететін маңызды фактор.
Мемлекет басшысы Жолдауында тұрғын үй құрылысы саласында ашықтық пен тиімділікті арттыру, инфрақұрылыммен қамту, инженерлік жүйелерді жаңғырту және жергілікті жерлерде әлеуметтік тұрғын үйлер салу бағытында нақты тапсырмалар берді. Бұл қадамдар тұрғындардың баспаналы болуына кең мүмкіндік ашып, ауылдар мен қалалардың инфрақұрылымдық дамуына серпін береді.
Баспана – тек тұрғын үй ғана емес, ол – отбасының берекесі мен елдің тұрақтылығының кепілі. Сондықтан бұл бағыттағы реформалар мен қолдау шараларының маңызы зор.
Н.Рысқалиев,
Махамбет аудандық тұрғын үй-коммуналдық шаруашылығы,
жолаушылар көлігі және автомобиль жолдары бөлімінің маманы
