Алла баршаңыздың тілегіңізді қабыл етсін!

Қасиетті Құрбан айт күні Алға ауылдық округ әкімі өз атынан ірі қара малын құрбандыққа шалып ауылдағы тыл ардагерлері мен басқа да ауыл үлкендеріне таратып батасын алды. Үлкендердің тілегі - елімізге төнген індеттен бүкіл қазақ елінің аман болуы.

Сондай-ақ, 30 шілде күні Жалғансай ауылында 24 аз қамтылған отбасыға жылқы малы сойылып, тегін таратылды. Демеушілік көрсеткен - «Құлагер» шаруа қожалығы.

- Шаруа қожалығының басшысы Өнербек Жанбала ағамызға алғыс білдіреміз. Арамызда қалыптасқан достық қарым-қатынастардың сақталауына сенім білдіріп, болашақта да өзара тиімді және жемісті ынтымақтастықта боламыз деп үміттенеміз. Бұл құрбандық ел амандығы үшін шалынды,- дейді ауылдық округ әкімі Ғибрат Мырзағали.

Өз тілшіміз