Махамбет ауданында облыс көлемінде ағымдағы жылдың 12-14 ақпан күндері аралығында кәмелетке толмағандармен және оларға қарсы жасалатын қылмыс пен құқықбұзушылықты анықтау және алдын алу, сондай-ақ құқықтық сауаттылығын арттыру бағытында «Жасөспірім» жедел профилактикалық іс-шарасы өткізілуде.
Іс- шараға жергілікті атқарушы органдар, Махамбет Жастар ресурстық орталығы, аудандық білім бөлімі және бұқаралық ақпарат құралдарының өкілдері атсалысуда.
Рейд кезінде бөлімнің есептерінде тұрған студенттер, мектеп оқушылары мен оқу орындары жастары арасында профилактикалық жұмыстар жүргізіліп, құқық бұзушылықтар жасауға бейім жасөспірімдерді, кәмелетке толмағандар тобын, балаларды құқық бұзушылықтар жасауға тартатын ересек адамдарды, сондай-ақ, айналымына тыйым салынған басқа да заттарды алып жүрген кәмелетке толмағандарды анықтау жұмыстары жүргізілуде.
Л.КУАНЫШБАЕВА,
аудандық АПБ ЖПҚб-нің
ЮПТ-ның КТІЖ-гі учаскелік полиция инспекторы,
полиция лейтенанты
