2022 жыл «Балалар жылы» болып жариялануына байланысты кәмелетке толмағандардың құқықтық сауаттылығын қалыптастыру, отбасылықи және адамгершілік-рухани құндылықтарды насихаттау, азаматтардың ішкі істер органдарына сенімін арттыру, сондай-ақ кәмелетке толмағандарды полиция жұмысымен таныстыру және қауіпсіздік шараларына үйрету мақсатында ағымдағы жылдың 11-15 сәуір аралығында аудан көлемінде «Мен және менің полицейім» атты республикалық акциясы ұйымдастырылуда.
Акция барысында:
- полицияның негізгі міндеттерін түсіндіре отырып, қызметтік автокөлікпен, арнайы құралдармен таныстыру,
- Қоғамдық орындарда және көшелерде бейтаныс адамдармен қарым-қатынас кезінде мінез-құлық қағидалары (жол жүрісі қағидалары) бойынша оқыту сабақтарын өткізу;
- “Ашық есік” күні негізінде кәмелетке толмағандарды бөлім, бөлімше қызметкерлерінің атқаратын қызметтерін көрсетіп, мекемеге және бөлімнің музейіне апару;
- «Полицей – дос және қорғаушы» тақырыбына мектеп оқушыларына дәрістер, әңгімелер және тақырыптық ойындар жүргізу және т.б. шараларды ұйымдастыру жоспарланып, бөлім бастығымен бекітілді.
Акцияның алғашқы күні ювеналды полиция тобының қызметкерлерімен жол қауіпсіздігін, жолда жүру ережелерін сақтау, жол белгілерімен таныстыру жұмыстары жүргізілді.
Аудандық полиция бөлімінің баспасөз қызметі
