Бүгін 3 сәуір күні сағат 04:01 минутта Махамбет аудандық Төтенше жағдайлар бөлімі №11 өрт сөндіру бөлімінің байланыс бекетіне аудан тұрғынынан телефон арқылы Махамбет ауылында орналасқан «Дос» дүкенінен түтін шығып жатырғаны туралы хабар келіп түсті.
Оқиға орнына Махамбет ауданының №11-ӨСБ-нің І бөлімшесі «Урал» 5557 АЦ-6-70 негізгі өрт сөндіру автокөлігі уақыт 04:02 минутта, ІІ бөлімшесі «Урал» 5557 АЦ-6-40 негізгі өрт сөндіру автокөлігі уақыт 04:08 минутта шықты. Оқиға орнына І бөлімше сағат 04:06 минутта, ІІ бөлімше сағат 04:11 минут жетті.
Қосымша Атырау қалалық №13 МӨСБ-нен 4 қызметкер, 1 бірлік техника көмекке келді. Сондай ақ, жеке кәсіпкерден «Зил» су тасығыш автокөлігі жұмылдырылды. Оқиға орны мен Өрт сөндіру бөлімінің ара қашықтығы – 2 шақырымды құрайды.
Оқиға орнына жеткен кездегі анықталғаны Махамбет ауылы, А.Иманов көшесі №3 мекен-жайда орналасқан «Дос» дүкенінің төбе жабындысының бөлігінің толықтай өртенуі болды. Иесі жеке кәсіпкер Смадьярова Қалыш.
Өрт 06:21 минутта оқшауланып, 06:58 минутта толықтай жойылды.
Өрттің шығу себебі анықталуда.
Төтенше жағдайлар бөлімі
