Махамбет және Сарытоғай ауылдарының әлеуметтік қызметкерлері өз қамқорлықтарындағы қарттарға, мүмкіндігі шектеулі балаларға төтенше жағдайға қарамастан көмек көрсетуді жалғастыруда.
Солардың бірі Алмагүл Құбашева қарттарға зейнетақыларын және дәріханадан керекті дәрілерін, дүкеннен күнделікті тұтынатын азық-түліктерін әкеліп, одан қалса, өз қолымен қарттарға бетперде тігіп беруде. Ал, Нәсіп Хасанова болса, мүмкіндігі шектеулі балаларға көмегін көрсетуде. Шығармашылық қабілеттерін арттыру мақсатында кітапханадан кітаптар әкеліп, уақытты тиімді әрі қызықты етіп өткізуден шаршаған емес. Ғұбайдуллин Әділеттің ата-анасы Нәсіп апайына алғысын жаудыруда.
Ауданымыздағы жалғызілікті қарт Фарида Хабирова апай:
«Бізге әлеуметтік қызметкер Алмагүл үнемі келіп, көмектесіп тұрады. Ол бізге өз қызымыздай болып кетті. Бізге де қарайласып, үйдің де тазалығын ұқыпты орындайды. Алғыстан басқа айтарымыз жоқ» дейді.
Ия, өзіңнің қызметіңді адал атқару жоғары нәтижелерге қол жеткізуіне көмектеседі.
К.САПАР
