Д.Төленов атындағы мектеп-гимназиясында орналасқан №217 сайлау учаскесіне 1508 сайлаушы тіркелген. Дәл қазіргі уақытта 350 адам дауыс берді.
Ерлі-зайыпты зейнеткерлер 82 жастағы Уап ағай мен 75 жастағы Райхан апай Қабдыкәрімовтер бірге келіп бюллетендерін алып, таңдауларын жасады. Төтенше жағдайлар бөлімінің қызметкері Тұрар Серіков, аудандық ауылшаруашылығы, жер қатынастары және кәсіпкерлік бөлімінің қызметкері Жібек Қанатбаевалар да ерекше көңіл-күймен келіп дауыстарын берді. «Президент сайлауы жарқын болашағымызға кепілдік беретін маңызды науқан. Сондықтан біздің де дауысымыз маңызды» дейді сайлаушылар.
