Бокстан 2006-2007 жылы туылған жасөспірімдер арасында Атырау облысының чемпионаты өтті.
2020 жылдың 6-9 қаңтар күндері аралығында Махамбет ауылындағы балалар-жасөспірімдер спорт мектебінде Атырау облысы дене шынықтыру және спорт басқармасы, Атырау бокс федерациясының ұйымдастыруымен бокстан 2006-2007 жылы туылған жасөспірімдер арасындағы Атырау облысының чемпионаты өтті.
Жарыс қонағы Кеңес одағы боксшысы, І дәрежелі жеңіл салмақта өнер көрсеткен, 1984 жылдан 1991 жылға дейін КСРО ұлттық құрамасының мүшесі, 1985 жылғы Еуропа чемпионатының қола жүлдегері, 1986 жылғы «Ізгі ниет» ойындарының күміс жүлдегері, «Достық-84» халықаралық турнирінің күміс жүлдегері, 48 кг дейінгі салмақ дәрежесіндегі КСРО әуесқой жарыстарының екі дүркін чемпионы (1984-1990ж.ж) КСРО халықаралық дәрежедегі спорт шебері, ҚР еңбек сіңірген жаттықтырушысы, AIBA халықаралық дәрежедегі төрешісі Абдрахманов Каримжан Балтабаевичке Махамбет аудандық дене шынықтыру және спорт бөлімінің атынан шапан жауып, ерекше құрмет көрсетілді.
Аталмыш жарыста Махамбет балалар-жасөспірімдер спорт мектебінің тəрбиеленушілері жүлделі орындарды иемденді.
Атап айтсақ, жүлделі 1 орынды Жеңісбаев Айтуар (Қ.Қарашаұлы о/м), жүлделі II орынды Ибатолла Айбек , Русланов Исламбек (Е.Ағелеуов о/м) қанжығасына байлады.
Жаттықтырушылары: Торбаев Қалмұрат, Қапуанов Жəнібек, Қайрош Мерлан.
Өз тілшіміз
