Жуырда Махамбет ауылындағы балалар-жасөспірімдер спорт мектебінің алаңында ҚР еңбегі сіңген жаттықтырушы, Құрметті спорт қайраткері Қазбек Иманғали атындағы футболдан оқушылар арасында аудандық турнир ұйымдастырылған-ды.
Командалық есеппен жүлделі I орынды Қ.Қалыбеков атындағы Сарытоғай орта мектебі командасы жеңіп алса, II орын Қ.Ахмедияров атындағы орта мектебі командасына бұйырды.
Ал жүлделі III орынды Е.Ағелеуов атындағы Махамбет орта мектебі командасы иемденді.
Турнир жеңімпаздары мен жүлдегерлері Махамбет аудандық дене шынықтыру және спорт бөлімінің кубок, медаль, дипломдарын иемденді.
Сонымен қатар үздік номинацияларға ие болған жүлдегерлер бағалы сыйлықтарымен марапатталды.
Өз тілшіміз
