8-10 мамыр күндері аралығында ауыл спортының жанашыры, білім беру саласының үздігі Аменов Марат Калабайұлын еске алуға арналған волейболдан 2005-2006 жылы туған жасөспірім қыздар арасындағы батысаймақтық турнирі өтті.

Турнирдің ашылу салтанатында аудандық ішкі саясат, мәдениет, тілдерді дамыту және спорт бөлімінің басшысы міндетін атқарушы Қайырғалиев Асылжан Саматұлы, аудандық балалар-жасөспірімдер спорт мектебінің директоры Қабенов Абат Құмарұлы сөз сөйлеп, жүрекжарды лебіздерін білдіріп, спортшыларға сәттілік тіледі.

Аталған жарысқа Ақтау, Батыс Қазақстан облыстарынан, Құрманғазы, Индер, Қызылқоға, Жылыой, Исатай, Махамбет аудандарынан және Атырау қаласынан барлығы 16 команда қатысты.

Жарыс қорытындысымен І орынды Атырау қаласы, ІІ орынды Махамбет балалар-жасөспірімдер спорт мектебі, ІІІ орынды Маңғыстау (Ақтау қаласы) жеңіп алды

Турнирдің үздік номинациялары: Үздік байланыстырушы - Жубаниязова Жайнар (Ақтау қаласы);  Ғалымжанова Наргиз (Атырау қаласы);

Үздік шабуылшы - Зиноллаева Диана (Атырау қаласы); Тұрдыбай Сандуғаш (Атырау қаласы);

Үздік қорғаушы- Ақтұрлан Құралай (Махамбет ауданы); Елеш Жайнар (Махамбет ауданы);

Үздік ойыншы - Шадкам Наргес (Ақтау қаласы); Онғарбаева Ақжайық (Атырау қаласы).

Жарыс жеңімпаздары мен жүлдегерлері аудандық ішкі саясат, мәдениет, тілдерді дамыту және спорт бөлімінің медаль, кубок және үздік ойыншылар сыйлықтарымен марапатталды.

Өз тілшіміз