Ақмола облысына қарасты, Бурабай ауданының орталығы – Щучинск қаласында өткен Burabay CUP ашық республикалық турнирінде Махамбет ауданының волейболшылары жүлдегер атанды.
2008-2009 және 2006-2007 жылы туған қыздар командасы чемпион атанса, 2006-2007 жылғы ұлдар командасы қола жүлдеге қол жеткізді.
Ұлдар командасы үшінші орын үшін болған кездесуде Ақтөбе облысы командасын 2:0 есебімен жеңді. Қыздар да дәл осындай есеппен финалдық кездесуде Ақтөбе, Астана командаларынан басым түсті.
"KOSARAL Атырау" командасының ойынышылары Меруерт Мутиғолла, Айнұр Мұратова мен Нұрбақыт Жайлыбай "Үздік ойыншы" аталымымен марапатталды.
Тренер Дәурен Әменов пен аудан намысын абыроймен қорғаған волейболшыларды құттықтаймыз!
