Атырау қаласында 12-14 наурыз аралығында қазақтың ұлттық ойыны тоғызқұмалақтан Атырау облысының командалық кубогі өтті.
Жарыста Атырау қаласының 4 командасы және Индер, Қызылқоға, Жылыой, Махамбет ауданы құрамалары өзара бақ сынады.
⠀
Қорытындысында Атырау қаласының қос командасы І және ІІ орындарды өзара бөліссе, Махамбет ауданы құрама командасы ІІІ орынды жеңіп алды. Команда сапында Жексенбай Диас, Айтқалиев Қазбек, Әміржан Мөлдір, Мәженова Гүлжан, Бауыржан Жансая және Ержан Аяна өнер көрсетті.
Ал Д.Төленов атындағы мектеп-гимназиясының 11 сынып оқушысы Есенжан Аидина І орынға ие болған Атырау облысы құрама командасында ойнады.
Өз тақтасында жеңімпаз атанған спортшылар республикалық чемпионатқа жолдама алды.⠀
Қазбек АЙТҚАЛИЕВ
