Қазан айының 23-і күні Махамбет балалар-жасөспірімдер спорт мектебінің залында Қазақстан Республикасының Тәуелсіздігінің 30-жылдығына және Бүкіләлемдік дзюдо күніне орай дзюдодан 2002-2003 ж.т. жастар арасында ашық облыстық турнир өтті.⠀
Жарысқа Ақтөбе облысы, Атырау қаласынан N1 ОРМБЖМ, N1 МБЖСМ, N3 БЖСМ, N4 БЖСМ, Исатай ауданы және біздің ауданымыздың дзюдошылары қатысты. Бұл турнирде жерлестеріміз 1 алтын, 1 күміс, 1 қола медальды жеңіп алды. Атап айтсақ 55 кг салмақ дәрежесінде Пастухов Алмаз қарсыластарының бәрін жеңіп, жарыстың чемпионы атанса, 73 кг салмақ дәрежесінде Балабаев Алишер финалдық белдесуде ұтылып, 2-ші орынды иеленді. 55 кг салмақ дәрежесінде Нәсіпқали Ерасыл 3-орынға ие болды.⠀ ⠀
Жаттықтырушылары Кабенов Асет, Тәжбентай Сәдуақас, Маменов Амангелді.⠀ ⠀
Өз тілшіміз
