Аудандық жастар ресурстық орталығы мен аудандық ішкі саясат, мәдениет, тілдерді дамыту және спорт бөлімінің ұйымдастыруымен Ұлыстың ұлы күні – Наурыз мерекесіне орай қазақ күресінен «Махамбет барысы – 2022» аудандық турнирі өткізілді.
Турнирге ауданға қарасты ауылдық округтерден 12 палуан қатысып, өз бақтарын сынады.
Жарыс қорытындысы бойынша үшінші орынды Әбілсейіт Сұлтанов пен Эльдар Тоғызбаев өзара бөліссе, жүлделі екінші орынды Асылан Жалмұханов иеленді. Тартысты өткен күрес бәсекесінде жоғары дәрежеде өнер көрсеткен Бауыржан Бағытжан турнирдің жеңіпазы атанып, «Махамбет барысы – 2022» атағына ие болды.
Жеңімпаздар мен қатысушылар ақшалай және бағалы сыйлықтармен марапатталды.
Өз тілшіміз
