Сарытоғай ауылдық округінде ауыл жастарының ұйымдастыруымен кіші аяқдоптан турнир өтті.
Аталмыш жарысқа «1998», «1996», «1999», «2002», "2001", "1993", "1994", "1988"деп аталатын 8 команда қатысып,ойын екі күнге созылды. Екінші күні төрт команда жеңіліп,4-уі алға шығады. Сонымен финалдық ойында «1999» командасы «1996» командасын 6-2 есебімен жеңіп, жарыстың жеңімпазы атанса, 3-орынды «2002» командасы иеленді. Суперкубок иегері атанған құрамаға 15 мың теңге, екінші орынға 10 мың, үшінші орынға да 7 мың теңге көлемінде ақшалай сыйлық табысталды.
Жарыстың «Үздік қақпашы» Аманжол Қадырбаев, «Үздік ойыншы» Жігер Амангелдиев, «Үздік мерген» Эльдар Нұрманов деп танылып, арнайы мақтау қағаздарымен марапатталды.
Өз тілшіміз
