Орал қаласындағы Жәңгір хан атындағы Батыс Қазақстан аграрлық-техникалық университетінде ҚР Тәуелсіздігінің 30 жылдық мерекесіне орай ЖОО студенттері арасында қазақ күресінен батыс аймақтық «Жәңгір хан» кубогіне арналған жарыс өтті.⠀⠀
Бұған дейін дәстүрлі түрде БҚО-дағы жоғары оқу орындарының арасында ұйымдастырылып келген жарыс биыл алғашқы рет батыс аймақтар деңгейінде жалғасын тапты.⠀
Жеті жоғары оқу орнының командалары қатысқан жарыста Махамбет аудандық балалар-жасөспірімдер спорт мектебінің түлегі, Х.Досмұхамедов атындағы Атырау университетінің дене шынықтыру және спорт мамандығының 2-курс студенті Алишер Балабаев 74 келі салмақ дәрежесінде күресіп, қола жүлдеге ие болды. Ол төрт спортшымен күресіп, 3-еуінде жеңіске жетті.⠀
Әсет Қабеновтың қол астында жаттығатын Алишер өнер көрсеткен Х.Досмұхамедов атындағы университеті жалпыкомандалық есепте жеті команданың арасынан ІІ орынды жеңіп алды.⠀
⠀
Қ.АЙТҚАЛИЕВ