Облыстық спорт және дене шынықтыру басқармасы баспасөз қызметінің мәліметінше, 15-19 қыркүйекте Мажарстанда кикбокстан әлем кубогі өткен.
«Будапешт қаласында ХХVІ рет жалауы желбіреген әлем кубогі сайысына 45 елден 3 000-нан астам спортшы қатысты. Бұл додада Атырау облысынан бақ сынаған спортшылар 5 медальды иеленді. Спортшыларымыздың еншісінде 2 алтын, 1 күміс және 2 қола медаль бар. Мәселен, 67 келіде ел намысын қорғаған Азамат Өтемісов әлем кубогін екінші рет иеленді. Ал, 51 келіде қарсыластарынан басымдық танытқан Нұрсұлтан Жұмабаев алтын медальды жеңіп алып, әлем кубогінің иегері атанды. Ал Роман Зубариев (51 келі) күміс, 57 және 67 келіде сынға түскен Жанәли Сәлімгерей мен Серікжан Сәлімгереев қола медальға ие болды», - деп мәлім етті басқарманың баспасөз қызметінен.
