Мемлекет басшысы Қасым-Жомарт Тоқаев Қазақстан халқына дәстүрлі Жолдауын жариялады. Президент сөзі – ел дамуының болашақ жолын айқындайтын, әрбір қазақстандыққа бағыт-бағдар беретін тарихи құжат.
Бұл Жолдау – қоғамның басты мәселелерін қамтыған ауқымды бағдарлама.
- Әлеуметтік әділеттілік пен азаматтардың әл-ауқатын арттыру,
- Экономикалық өсім мен жаңа жұмыс орындарын ашу,
- Саяси тұрақтылық пен ұлттық бірлікті нығайту – басты міндеттердің қатарында.
Мемлекет басшысы: «Әрбір бастаманың түпкі мақсаты – халықтың тұрмысын жақсарту» деп атап өтті.
Жолдаудың ерекшелігі – нақты іс-қимылдарға негізделгенінде. Білім беру, денсаулық сақтау, цифрландыру, энергетика қауіпсіздігі, бизнесті қолдау бағыттары айқын көрсетілді. Әсіресе жас ұрпақтың сапалы білім алып, заман талабына сай тәрбиеленуі – мемлекеттің басты құндылығы екені ерекше айтылды.
Осы тұрғыдан алғанда, Жолдау – елдің ертеңіне деген сенімді нығайтатын құжат. Егер әр азамат өз ісінде табандылық танытып, ортақ іске үлес қоссақ, Қазақстан жаңа биіктерді бағындырады.
ҚҰРАЛАЙ ТАЙШҰНАҚОВА,
Махамбет ауданы
