Махамбет ауданының тұрғынына заңсыз балық аулағаны үшін айыппұл салынды, деп хабарлайды Махамбет аудандық сотының баспасөз қызметі.
Ол биылғы наурыз айында Жайық өзенінің сол жақ жағалауынан, ұзындығы 5 метр, тор көзі 30х30 мм болатын тыйым салынған, түсі ақ 1-дана ау тор жарағымен балық аулаған. Ұсталған мезгілде балығы және көлігі болмаған. Яғни баулық аулау ережесін өрескел бұзған.
Сот отырысында «WhatsApp» - бағдарламасы арқылы байланысқа шыққан М.А. өз түсінігінде әкімшілік құқық бұзушылық жасағанын мойындайтынын, жасаған әрекетіне өкінетінін айтып көрсеткен.
Сот қаулысымен айыпталушы Әкімшілік құқық бұзушылық туралы Кодекстің 383-бабының 3-бөлігінде көзделген әкімшілік құқық бұзушылық жасағаны үшін кінәлі деп танылып, оған 37 114 теңге айыппұл тағайындалды.
Сот қаулысы заңды күшіне енген жоқ.
