АСТАНА. KAZINFORM – Қазақстан Республикасының Әзербайжандағы елшісі Алим Байель Түркі мемлекеттері Парламенттік ассамблеясының Бас хатшысы Рамиль Хасанмен кездесті, деп хабарлайды Kazinform агенттігінің меншікті тілшісі.
Алим Байель жалпы түркі ынтымақтастығындағы ТүркПА-ның маңызын атап өтіп, ұйым қызметін одан әрі жүйелеуге үміт білдірді.
Әңгіме барысында елші 11 ақпанда Президент Қасым-Жомарт Тоқаев елдің жаңа Конституциясын қабылдау жөніндегі республикалық референдумды 2026 жылғы 15 наурызда өткізу туралы Жарлыққа қол қойғанын айтты.
Осыған байланысты елші Қазақстан Республикасының Сыртқы істер министрі Ермек Көшербаевтің атынан Рамиль Гасанға алдағы плебисцитті халықаралық бақылаушы ретінде бақылауға қатысуға шақыруды табыстады.
Өз кезегінде Рамль Гасан шақыру үшін алғыс айтып, ТүркПА делегациясы референдумға халықаралық бақылаушы ретінде белсенді қатысатынын мәлімдеді.
Бас хатшы Қазақстанда жүргізіліп жатқан саяси реформаларға жоғары баға беріп, қонақтарды ұйымның 2026 жылға арналған жоспарларымен таныстырды.
Айта кетелік астанада ТүркПА Бас хатшысы сайланған еді.
