Дар-эс-Салам, 2025 жылғы 29 наурыз – Қазақстан Республикасының Оңтүстік Африка Республикасындағы Елшісі, Мозамбик Республикасындағы және Біріккен Танзания Республикасындағы Елшісі қызметін қоса атқарушы Еркін Ахинжанов пен танымал танзаниялық кәсіпкер Әмір Муниф Абдалла Нахди Танзанияның ең ірі қалаларының бірі – Дар-эс-саламда ҚР Құрметті консулдығының ашылу рәсімін салтанатты түрде өткізді.
Іс-шараға осы елде тұратын ҚР азаматтары, Танзанияның мемлекеттік органдары, бизнес-қоғамдастық және БАҚ өкілдері қатысты.
ҚР Құрметті консулы болып тағайындалған Әмір Нахди Қазақстан Үкіметіне көрсеткен сенімі үшін алғысын білдіріп, екі ел халықтарының игілігі үшін екіжақты қатынастарды одан әрі нығайтуға жәрдемдесуге дайын екеніне сендірді.
Сондай-ақ Е. Ахинжанов Танзания инвестициялық орталығының (Танзания президентінің жанындағы үкіметтік орган) атқарушы директоры Джилед Теримен кездесті. Келіссөздер барысында инвестициялық және сауда ынтымақтастығы, көлік байланыстарын дамыту, тәжірибемен алмасу мақсатында Қазақстанға Танзания бизнес-миссиясын ұйымдастыру мәселелері талқыланды.
Өткен іс-шаралар екі ел арасындағы екіжақты қарым-қатынастарды нығайтудағы маңызды қадам болып, түрлі салаларда екіжақты ынтымақтастықты дамытуға және Қазақстанның Африка құрлығында қатысуын кеңейтуге жаңа мүмкіндіктер туғызды.
