Президент өткен үкіметтің кеңейтілген отырысында талай өзекті мәселелерге тоқталды. Үкіметке нарықтық жағдайларға толық сәйкес келетін тарифтік саясаттың жаңа стандарттарын әзірлеу бойынша жұмысты жалғастыру тапсырылды. Мұнда мәселе электр энергиясын, жылу мен суды үнемдеу ғана емес, оларды тұтыну мәдениеті мен үздіксіз жеткізуді қамтамасыз ету.
Әр азамат өзіне қажет мөлшерден көп су жұмсамау керектігін түсіну керек. Сондықтан су ресурстарының жаһандық тапшылығын ескере отырып, тұтынудың әртүрлі әлеуметтік нормаларын қолдану маңызды.
Тұтыну мәдениетіне қосымша Мемлекет басшысы ресурстарды үнемдеу қолданыстағы технологияға да тікелей байланысты екенін атап өтті. Суды үнемдеудің озық технологияларын қолданатын Қытайды мысалға келтірді. Үкіметке осындай технологияларды енгізу мәселесін пысықтауды тапсырды.
Қ.Мажиев, аудандық мәслихат төрағасы
