Президенттің бұл сөзінен кейін тұрғын ретінде айтатын пікірім – қойылған міндеттер өте маңызды және еліміздің дамуы үшін өзекті болып отыр. Дегенмен, нақты нәтижеге жету үшін тек жоспар құру жеткіліксіз, оны сапалы жүзеге асыру керек. Әсіресе, кадрлық саясатқа көңіл бөлінуі дұрыс шешім деп есептеймін. Білікті мамандарды таңдау барысында олардың тәжірибесі ғана емес, қоғамға деген жауапкершілігі мен шынайы патриотизмі де ескерілуі тиіс.
Сонымен қатар, инфрақұрылым мен цифрландыру салаларында ел ішінде теңгерімділікке қол жеткізу қажет. Ірі қалалар мен шалғай аймақтардың даму қарқыны арасындағы айырмашылықты азайту үшін нақты шаралар қабылдануы тиіс. Жоспардың орындалуын бақылау тетіктері ашық әрі халық үшін қолжетімді болғаны дұрыс. Бұл азаматтардың сенімін арттырып, ел мүддесін бірлесіп қорғауға ынталандырады.
Ұсыныс ретінде, жоспарларды жүзеге асыру барысында жергілікті халықтың пікірін тыңдап, олардың қажеттіліктерін ескеру маңызды деп ойлаймын. Бұл жалпыұлттық жобалардың тиімділігі мен халықтың әл-ауқатын арттыруға септігін тигізеді.
Базаргүл Ермекбаева
Аудан тұрғыны
