Мемлекеттік қызмет сапалы болсын

Жыл басынан бері Мемлекеттік қызмет істері агенттігімен мемлекеттік көрсетілетін қызметтер көрсету сапасына 759 бақылау шаралары жүргізілді.

Соның нәтижесінде 65 мыңнан астам бұзушылықтар анықталған-ды. Бұл туралы ҚР Президенті жанындағы Орталық коммуникациялар орталығындағы брифингте Агенттік төрайымы Анар Жаилғанова хабарлады. Өткен жылмен салыстырғанда мемлекеттік қызметтер көрсету саласындағы заң бұзушылықтар төмендегенін ( 34,5 мың) атап өту қажет. Бұл агенттіктің жүйелі түсіндіру жұмыстарының , бұзушылықтарды, оларды жасауға ықпал ететін себептер мен жағдайларды жою жөніндегі енгізілген нақты нұсқаулардың нәтижесінде мүмкін болды.

Анықталған бұзушылықтардың едәуір бөлігін 36,3 мың фактісі немесе 56%-ы қызмет алушылардан артық құжаттарды талап ету фактілері құрайды. Агенттікпен кешенді талдау жүргізіліп, стандарттар, регламенттер және салалық ережелер арасында 180-нен астам сәйкессіздіктерді анықталды. Осы ретте агенттіктің стандарттарды, регламенттер мен салалық ережелерді мемлекеттік қызмет көрсетуді реттейтін бір құжатқа біріктіру туралы ұсынысы ағымдағы жылдың 7 қарашасында Сенатта екінші оқылымда қабылданған заңнама жобасына енгізілді.

Нәтижесінде біз 60% бір-бірін қайталайтын мемлекеттік қызметтерді көрсетуді реттейтін нормативтік құқықтық актілердің қайталануы жойылды. Жыл басынан бері агенттікке мемлекеттік қызметтерді көрсету сапасы бойынша азаматтардан 1 278 өтініш келіп түсті. Жеке және заңды тұлғалардың шағымдары негізінде 329 жоспардан тыс тексеру жүргізілді. Жалпы қаралған өтініштердің 286 немесе 33% өтініште көрсетілген фактілер дәлелін тапты. Агенттік қызмет алушылардың 88% жағдайында құқықтарын қалпына келтірді. Келіп түскен, расталған шағымдардың жалпы санының 44%-ы жергілікті атқарушы органдар қызметкерлерінің әрекеттеріне келеді. Өтініштердің басым көпшілігі мемлекеттік қызметтерді көрсету барысында қызмет берушінің заңсыз іс-әрекетеріне (22%), қызмет көрсетуден негізсіз бас тартуға (15%) қатысты жер қатынастары (21%), әлеуметтік (11%) және тұрғын үй коммуналдық (7%) салаларын бойынша түсетіндігі анықталды.

Жалпы ұсынылған ұсыныстардың нәтижелері бойынша 641 тұлға әр түрлі тәртіптік жауапкершілікке тартылды, (әкімдіктер – 479, орталық мемлекеттік органдар – 162), олардың 27% немесе 170 қызмет берушілердің басшылығына тиесілі. Рұқсат мерзімдерін, беру тәртібін бұзғаны, сондай-ақ оларды беруден негізсіз бас тартқаны үшін 140 адам әкімшілік жауапкершілікке тартылды, әкімшілік құқық бұзушылық туралы 401 хаттама толтырылды, мемлекет кірісіне айыппұл түрінде 8,8 млн теңге өндірілді.

Қазіргі уақытта Агенттік бұзушылықтарды «постфактум» мониторингінен азаматтардың проблемаларын барынша жедел шешуге көшті. Азаматтар «Digital agent» мемлекеттік қызмет көрсету сапасын бағалауға және нақты уақыт режимінде Агенттікті қосымшасы арқылы хабардар етуге мүмкіндік алды. «Digital agent» қосымшасы арқылы ХҚКО-ның, арнайы ХҚКО-ның, Еңбек және халықты әлеуметтік қорғау, Қаржы министрліктерінің мемлекеттік қызмет көрсету сапасын бағалауға болады. Ішкі істер, денсаулық сақтау министрліктерін, Ақтөбе, Қарағанды облыстары, сондай-ақ Нұр-Сұлтан, Алматы, Шымкент қалалары әкімдіктерін қосымшаға толыққанды қосу бойынша жұмыстар жүргізілуде.

МҚІА баспасөз қызметі

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика