Әлеуметтік желілерде таралған бейнежазбадағы мотоцикл жүргізушісі анықталып, ұсталды деп хабарлайды Атырау Полиция Департаменті фейсбук парақшасында.

Қалалық ПБ Патрульдік полиция батальонының взвод командирі полиция аға лейтенанты Асхат Қуанышқалиевтың айтуынша, жүргізуші куәлігінсіз, мемлекеттік нөмірі жоқ мотоциклмен Сәтпаев көшесі бойында патрульдік полиция қызметкерінің тоқтатқанына қарамастан, бірнеше жол ережелерін бұзған 2001 ж.т. қала тұрғыны екені анықталды.

Атырау қалалық ПБ Патрульдік полиция қызметкерлерімен құқық бұзушыға ӘҚБтК "Төтенше жағдай режимін бұзу"бойынша 476-баппен және бұдан басқа осы кодекстің тағы бес бірдей баптары (590,596,599,612,613) бойынша хаттамалар жасақталып, мотоцикл көлігі айыппұл тұрағына қойылып, іс-құжаттары сотқа жолданды.

К.САПАР

Сурет:дереккөз