Сарытоғайдағы «Арай» лагерінің базасында Атырау қаласы және облысқа қарасты жеті ауданның жастарының қатысуымен «J-Life» жастар лагері өтті. Шара аудан әкімдігінің қолдауымен, аудандық ішкі саясат, мәдениет, тілдерді дамыту және спорт бөлімінің бастамасымен ұйымдастырылды.
Шараның мақсаты – әр аудан мен қаланың белсенді жастарының өзара байланысын нығайтып, олардың арасындағы ұйымшылдық пен шығармашылық ортаны қалыптастыру. Қатысушылар өздерінің белсенділіктерімен қатар, біліктіліктері мен өнерлерін ортаға салды.
– Жастар лагерінің қызықты әрі танымды өтуіне Шымкент қаласынан арнайы келген режиссер, сценарист Еркін Ерболұлы үлкен үлес қосты. Сондай-ақ, Жастар орталығына арнайы «Youtube» каналы ашылып, атқарылған жоба әлеуметтік желілер мен каналдарынан жарық көретін болады. Ауданда алғаш рет ұйымдастырылған жоба дәстүрлі түрде жыл сайын өтетін болады,- дейді аудандық жастар ресурстық орталығының директоры А.Қонысбаев.
Жалынды жастардың басқосуына қатысқандар арнайы алғыс хатпен, естелік сыйлықтармен марапатталды.
Қ.Айтқалиев
