Бүгін елімізде жаңадан еңбек және халықты әлеуметтік қорғау министрі тағайындалды.
Мемлекет басшысы Қ.Тоқаевтың жарлығымен бұл лауазымға Біржан Бидайбекұлы Нұрымбетов лайық деп танылды. Бұл туралы Ақорданың ресми сайты хабарлады. "Біржан Бидайбекұлы Нұрымбетов Қазақстан Республикасының Еңбек және халықты әлеуметтік қорғау министрі болып тағайындалсын", - делінген ҚР президентінің жарлығында. Бұған дейін ел президенті бұрынғы еңбек және халықты әлеуметтік қорғау министрі Бердібек Сапарбаевты ҚР премьер-министрінің орынбасары қылып тағайындаған болатын.
