Коронавирус пандемиясының құрбаны болған азаматтарды еске алу рәсімі жеті жерде өтті.
«Елімізде жарияланған Жалпыұлттық аза тұту күніне байланысты бүгін Атырауда аймақ басшысымен бірге өзге де лауазымды тұлғалар коронавирус құрбандарын құрметпен еске алды» деп хабарлайды облыстық коммуникациялар қызметі.
Пандемия құрбандарына тағзым ету рәсімі облыс әкімдігі, Атырау қаласы әкімдігі, Атырау облыстық №2 ауруханасы, Атырау облысы полиция департаменті және Халел Досмұхамедов атындағы Атырау мемлекеттік университеті, «Теңізшевройл», «Ембімұнайгаз» компаниялары ғимараттарының алдында болды.
