"Базалық мөлшерлеме" ұғымы заңнамалық тұрғыда бекітілді

Нормалар 2021 жылдың 1 қаңтарынан бастап күшіне енді.

«Қазақстан Республикасының кейбір заңнамалық актілеріне экономикалық өсуді қалпына келтіру мәселелері бойынша өзгерістер мен толықтырулар енгізу туралы» 2021 жылғы 2 қаңтардағы Қазақстан Республикасының Заңына сәйкес, «базалық мөлшерлеме» ұғымы заңнамалық тұрғыда бекітілді. Базалық мөлшерлеме ақша-несие саясатының негізгі құралы және ақша-несие саясатының операциялары бойынша сыйақы мөлшерлемелерін белгілеуге арналған бағдар болып саналады.

Жаңа заңдық өзгеріске байланысты мемлекет заңнамасынан «қайта қаржыландырудың ресми мөлшерлемесі» ұғымы алынып тасталды. Аталған норма 2021 жылдың 1 қаңтарынан бастап күшіне енді.

Осыған байланысты 2021 жылдың 1 қаңтарынан бастап салық салуда және кедендік реттеуде өсімпұл есептеу кезінде, сондай-ақ төлемдерді, бөтен ақшаны заңсыз пайдалану және мерзімі өткен сома үшін тұрақсыздық айыбын, берілген ақша сомасын индекстеуді, кеден бажын төлеу мерзімін кейінге қалдыру немесе бөліп төлеу үшін пайыздарды индекстеуді кешіктіру кезінде азаматтық-құқықтық және әкімшілік-құқықтық қатынастарда базалық мөлшерлеме қолданылатын болады.

2017 жылғы 1 сәуірден бастап қайта қаржыландырудың ресми мөлшерлемесінің мәні тиісті күнге белгіленген базалық мөлшерлеменің мәніне теңестірілгенін атап өтеміз. Осыған байланысты қайта қаржыландырудың ресми мөлшерлемесін базалық мөлшерлемемен ауыстыру бұрын қайта қаржыландырудың ресми мөлшерлемесі қолданыла отырып есептелген төленетін ақша сомасы мөлшерінің өзгеруіне әкелмейді.

М.Раймова,

ҚР Ұлттық Банкі Атырау филиалының

экономикалық талдау және статистика

бөлімінің жетекші маман-экономисі

Сурет:дереккөз

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика