Жалпыұлттық социал-демократиялық партиясынан үміткер Нұрлан Әуесбаев президент сайлауына қатысты пікірін білдірді, деп хабарлайды ҚазАқпарат тілшісі.

«Көңіл-күйім көтеріңкі, жақсы. Бүгін мен сайлау учаскесіне республика азаматы ретінде өз міндетімді орындауға – дауыс беруге келдім», - деді ол журналистерге.

Бұған дейін кандидат өз таңдауын «Наз» мемлекеттік би театры ғимаратында құрылған №189 сайлау учаскесінде жасағанын жазған болатынбыз.

Нұрлан Әуесбаев бастаған топ мүшелері Қарағанды, Ақтөбе, Ақмола, Батыс Қазақстан және Маңғыстау облыстарында, сондай-ақ Астана, Алматы және Шымкент қалаларында сайлаушылармен кездесулер өткізген еді.

Фото: www.inform.kz