Биылғы жыл еліміз үшін табысты, берекелі жыл болады деп санаймын. Себебі, қазақтың ұлттық жаңа жылы қарсаңында үлкен игі істер атқарылып жатыр.

Мемлекетіміздің мүддесі үшін маңызды саяси науқан, мәжіліс, мәслихат депутаттарының сайлауы өткізілді. Биыл мен де алғаш рет  аудандық мәслихаттың депутаттығына кандидат ретінде ұсынылдым. Ата жолын, әке жолын қуып төрт-түлік бағып, егін егіп жүрген кәсіпкер болсам, енді міне, халықтың бір жүгін көтерер депутат боламын деген мақсат қойдым алдыма. Еліміздің ауыл шаруашылығы саласы жылдан жылға дамып, ілгерілеп келеді. Соңымыздан ерген жастарды өз тәжірибеммен бөлісіп, үйретсем деймін.

Сайлауда халық өз таңдауын жасады,әділ шешім қабылдады деп ойлаймын. Үміткер болған әрбір азаматтың мойнында үлкен жауапкершілік пен міндет бар. Сол міндетті халықтың қалаулылары сезіне білсе, қоғамдағы өзекті мәселелерді шешуге барынша ат салысар еді.

Менің ойымша депутат болу дегеннің өзі - қарапайым тұрғындарға қоғамдағы қиындықтарды жеңуге көмекетесіп, билік пен араға көпір болып, халықтың атынан үн қосу.

Ерлан Қуанышев,

жеке кәсіпкер