Атырауда жаһандық маңызы бар фотокөрме өтті

Бүгін Атырауда «Жайықты сақтап қалайық» атты фотокөрменің салтанатты ашылу рәсімі өтті.

Шараны әлемге әйгілі «National Geographic Qazaqstan» журналы мен «Каспий Құбыр Консорциумы-К» АҚ ұйымдастырды. Фотокөрме Жайық өзенінің бүгінгі күрделі мәселелерін қоғам болып талқыға салу мақсатында ұйымдастырылған. Осы бағытта биыл «National Geographic Qazaqstan» журналының өкілдері Атырау облысына арнайы экспедициямен келген болатын.

«Каспий Құбыр Консорциумы-К» АҚ атқарушы директоры Меллят Карабалиннің айтуынша, осындай игі шаралар арқылы Жайық өзені бойындағы аң-құстардың мүлдем жойылып кетуінің алдын алуға болады.

- Осыған дейін, 6-12 қыркүйек аралығында экспедиция мүшелері Жайықтың Батыс Қазақстан облысы шекарасынан бастап, Атырау облысы аумағындағы Каспий теңізіне құйылатын тұсына дейінгі бөлігін аралаған болатын. Міне, бүгінгі фотокөрме - сол зерттеу мен зерделеудің көрінісі, - дейді Меллят Карабалин.

Айта кетейік, фотокөрмеде шетелдік және отандық фотографтардың 30 экспозициясы ұсынылды. Игі бастаманы Атырау тұрғындары мен қонақтары 24 желтоқсаннан бастап 20 күн бойы «BAIZAAR» сауда ойын-сауық орталығының 1 қабатында тамашалай алады.

Өңірлік коммуникациялар қызметі

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика