Бұл туралы Атырау облысының Бас санитариялық дәрігері Мәдениет Танауов мәлімдеді, деп хабарлайды Атырау облысының өңірлік коммуникациялар қызметі.
Маусым айының өзінде мониторингтік топтың зерделеу жұмыстары нәтижесінде 70-тен астам отбасылық салтанатты шара анықталған.
- Анықталған 74 факт бойынша, қазіргі уақытқа дейін 50 адамға айыппұл салынды. Бірақ бұл көрсеткіш бұдан да көп екенін ескеруіміз керек. Өйткені мониторингтік топ анықтамаған қаншама той-садақалар өтті.
Мәдениет Танауовтың айтуынша, қазір облыстағы ахуал өте нашар. Сол себепті де, тұрғындардың жауапкершілігі мен өз өмірі мен жақындарының денсаулығына немқұрайлы қарамауы бұл індеттен құтылуға зор септігін тигізеді.
