Атырауда мейрамхана мен дәмханалар қашан ашылады?

Атырау облысының Бас санитарлық дәрігері қоғамдық тамақтану орындарына қойылатын талаптар туралы айтты, деп хабарлайды Жедел штаб.

Темірбек Мұсағалиев өңірдегі эпидемиологиялық жағдай тұрақтанған кезде мейрамханалар мен дәмханалар қызметіне 25 мамырдан бастап рұқсат берілуі мүмкін екендігін мәлімдеді.

Десе де, облыс тұрғындары бос уақыттарын қоғамдық тамақтану орындарында өткізуі үшін мейрамхана иелері дайындықты қазірден бастау керек.

Біріншіден, тамақтану орындарында қызметкерлер мен келушілердің ара-қашықтығы сақталуы тиіс.

Екіншіден, мейрамханалар мен кафелерде желдету жүйесі жақсы күйде болуы шарт. Міндетті түрде ғимарат ішін желдетіп, ауасын тазартып тұру керек.

Үшіншіден, тамақтану орындарында тұрақты бактерицидтік шамдар орнатылуы тиіс. Бұл коронавирус инфекциясын жұқтыру қаупін азайтады.

Төртіншіден, мейрамханалар мен кафелердің кіре берісіне дезинфекциялық тосқауылдар (кілемшелер) қойылуы керек.

Бесіншіден, үстелдердің орналасуы біркелкі болғаны жөн, олардың арасы 1,5-2 метр қашықтықта болуы тиіс.

Сонымен қатар, ғимарат ішінде санитарлық және дезинфекция жұмыстары уақтылы жүргізіп, қызметкерлерге санитайзер мен медициналық маскаларды қолдану міндетті болып саналады.

Атырау облысының жедел штабы 

Сурет:дереккөз

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика