Атырауда дене қызуын түсіретін дәрілер сатылымнан алынған жоқ

Қазіргі уақытта облыс бойынша екі айға жететін жеке қорғаныш құралдары мен дәрілік заттардың қоры сақтаулы.

Атырау дәріханаларында вирусқа қарсы дене қызуын түсіретін дәрілік заттар сатылымнан алынған жоқ.

«Whatsapp» әлеуметтік желісінде жүрген қызу түсіруге, вирусқа қарсы түрлі преператтар арнайы тапсырма бойынша дәріханалардан алынып жатыр екен деген ақпарат жалған», - деп хабарлайды Атырау облыстық денсаулық сақтау басқармасының баспасөз қызметі.

«Қазіргі уақытта аталған дәрілерді сатылымнан алып тастау немесе жою туралы «жоғары жақтан» ешқандай тапсырма келген жоқ. Әлеуметтік желіде жүрген ақпарат жалған. Керісінше, өңірлерде коронавирус инфекциясының күн санап көбеюіне байланысты індеттің алдын алу шараларын қатаңдату барысында дәрілік қорды қайта қарау, толықтыру жұмыстары жүргізілуде», - деді облыстық денсаулық сақтау басқармасының медициналық көмекті ұйымдастыру және лицензиялау бөлімінің басшысы Нина Оспанова.

Қазіргі уақытта облыс бойынша екі айға жететін жеке қорғаныш құралдары мен дәрілік заттардың қоры сақтаулы.

Айта кетейік, амбулаториялық жағдайда ем қабылдауға арналған 189 мыңға жуық вирусқа қарсы препарат болса, инфекциялық стационарларда 1 миллионға жуық дәрілік зат бар.

Сурет:дереккөз

ФОТОГАЛЕРЕЯ

Біріңғай мемлекеттік байланыс

Aqprint

Байланыс номерi :     +7 702 132 03 32      +77122458521